Odd på Grånosi
Heisann og hopp alle saman
Sumaren er på hell og ein ny sesong nærmar seg for oss i Haugen.Det betyr marknader, høgsesong for får, lam og hjort, fjell og jakt.
Dei siste dagane har me arbeidd intenst med ferdigstilling av Sognalapskausen for butikk. Coop Nordvest har satsa på oss og allereie torsdag 15.august er Sognalapskausen å finna i Coop Extra Sogndal, Kaupanger, Årdal og Lærdal. Me skal også dele ut smaksprøvar på Coop Extra i Sogndal på dagen på laurdag, og er invitert med av Coop som er hovudsponsor til kampen mellom Sogndal og Ålesund på Fosshaugane til å dele ut smaksprøvar i pausen. Vidare må me fylgje opp med demo i butikk og arbeide for at lapskausen også vert å finne i andre delar av landet :)
Dei fyrste marknadene vert Bergen Matfestival 30.august til 01.september, Matstreif i Oslo 6.-7.september og Bondens Marked i Botanisk Hage sundag 8.september.
Alt i alt har me det bra. De som fyl med på Facebook og Instagram har fått litt oppdatering i løpet av sommaren. Biletet over er teken ein nydeleg dag på jakt i opptil 1600 meter over havet. Det gjer godt for oss å “tømme hovudet” og samle energi til travle kvardagar :)
Med von om smakelege opplevingar utover hausten og at me sjåast…
Kristine og Odd